Navenda Ragihandinê ya Hêzên Sûriya Demokratîk (QSD) li ser malpera xwe ya fermî nasnameyên du şehîdên xwe ku di dem û cihên cuda de şehîd bûne, eşkere kir.
Di daxuyaniyê de hat diyarkirin ku Ehmed Îsmaîl El Kesar (Hemod) ê ku di berxwedana Minbicê de birîndar bibû di 4’ê Adarê de şehîd bû û Mihemed Xelîl El Muteb (Zeyd) di 10’ê Adarê de li Besîra di şerê li dijî çeteyên DAIŞ’ê de şehîd bû.
Di daxuyaniyê de wiha hat gotin, “Herdu hevrêyên me di parastina ax û gelên xwe de bedelên mezin dane û ji bo vê yekê gihîştin asta şehadetê. Em sersaxiyê ji malbatên her du şehîdan û tevahî malbatên şehîdên xwe re dixwazin û soz didin ku em ê heta armanc û hêviyên wan pêk bînin têkoşîna xwe bidomînin.”
Agahiyên der barê nasnameyên şehîdan de wiha ne:
Nasnav: Hemod
Nav û paşnav: Ehmed Îsmaîl El Kesar
Navê dayik: Wedhe
Navê bav: Îsmaîl
Cihê jidayikbûnê: Dêrazor
Cih û dîroka şehadetê: Dêrazor-04’ê Adar 2025
***
Nasnav: Zeyd
Nav û paşnav: Mihemed Xelîl El Muteb
Navê dayik: Şemse
Navê bav: Elî
Cihê jidayikbûnê: Sîhe
Cih û dîroka şehadetê: Besîra-10’ê Adara 2025
