– Geşedanên piştî banga dîrokî ya Rêber Apo qewimîne, wê bên şopandin.
– Li Kurdistanê wê li 10 navendan îro şahiyên Newrozê bên lidarxistin.
– Çalakiyên xizmên windayan ên li navendên Kurdistan û Tirkiyeyê, wê bên şopandin.
– Her çend ev demeke Heyeta DEM Partiyê diçe Girava Îmraliyê jî, tecrîda li ser Rêber Apo hê berdewam dike. Ji parêzerên Rêber Apo, Îbrahîm Bîlmez diyar kir ku wan ji bo hevdîtinên hefteyane yên bi parêzer û malbatan re serlêdan kirine lê belê wan hê jî bersivek nestandiye.
– Parlamenterê DEM Partiyê Celal Firat anî ziman ku peymana ku di navbera QSD û rêveberiya Şamê de hatiye îmzekirin, ji bo hemû gel û baweriyên li Sûriyeyê û bi taybet ji bo Elewiyan derbasdar e û wiha axivî: “Her kes wê bi hebûn û nasnameya xwe hebe.”
– Prof. Hamit Bozarslan diyar kir ku hemû hîpotezên Tirkiyeyê yên li ser Rojava têk çûn û got, “Eger hêmanên vê peymanê bikeve meriyetê, wê ji bo Kurdan bibe destkeftiyek mezin.”
– Prof. Nesrîn Nas anî ziman ku ji bo fikarên civakê ji holê werin rakirin divê desthilatdarî dev ji polîtîkayên xwe yên cihêkirinê berde û baweriyê bide civakê.
