– Geşedanên piştî peyama Rêber Apo û şewitandina çekan a ji aliyê komek gerîla ve qewimîne, wê bên şopandin.
– Parlamenterê DEM Partiyê yê Mêrsînê Alî Bozan diyar kir ku çek encamek e û divê komisyona di bin banê TBMM’ê de tê avakirin, xebatan xwe li ser rakirina sedemên derketina pirsgirêka Kurd bisekine.
– Komîteya Ekolojiyê ya KCK’ê Hemîd Muradî yê ku şeva 25’ê Tîrmehê li çiyayên Sine di encama şewatê de jiyana xwe ji dest da, bi bîr anî û got, “Hemîd Muradî ji bo ku xweza û daristanên welatî neşewitin, canê xwe feda kir. Ev sekneke pir bi rûmet û bi nirx e.”
– Siyasetmedar Xidir Salih diyar kir ku ji 1920’an heya roja me Êzidî weke hemwelatiyên wekhev ên Iraqê nehatine hesibandin û got: ‘’Hikumetên Melîkî jî yên Cumhurî jî, sîstema Beasê jî wekhev nêzîkê civaka Êzidî bûn. Kîjan sîstem an jî hikumet dibe bila bibe, heman sîstemê li ser Êzidiyan ajotin. Fermana 2014’an jî encama siyaseta 100 salî ya Iraqê ye.’’
