Bûyerên dawî yên piştî banga Rêber Apo ya 27’ê Sibatê wê bê şopandin.
Endama Koordînasyona KJK’ê Hêvî Nûdem got, banga Rêber Apo di heman demê de ji bo jinûve avakirina civakan a li ser bingeha azadî û wekheviyê ye û destnîşan kir ku ji bo konfederalîzma jinê li her devera cîhanê bi rêxistin bikin wê seferber bibin.
Endama Konseya Rêveber a KJK’ê Çîgdem Dogû destnîşan kir ku ji bo Rêber Apo karibe polîtîkayê bike, şert e ku azad bibe. Endama Meclîsa PAJK’ê Têkoşîn Ozan jî got, divê herî zêde jin pêşengiyê ji pêvajoya nû re bikin.
Gerîlayên HPG’ê Mazlûm Çiyager û Kûrtay Dêrazor gotina “Jin azad nebe, civak jî azad nabe” ya Rêber Apo bi bîr xistin û diyar kirin ku ev têkoşîn ne tenê ya jinan e, têkoşîna hevpar a civakê ye.
Serokê Giştî yê EHP’ê Hakan Ozturk anî ziman ku divê sosyalîstên Tirkiyeyê bi erk û berpirsyarî rabin, ji bo meseleya Kurd, aştî, xwişk û biratiyê vebêjin.
