Rojnamevan Egîd Roj ê li Bendava Tişrînê di êrişeke hewayî ya dewleta Tirk a dagirker de şehîd bûbû, di çilrojiya xwe de li Pakrwangeha Şehîd Dijwar a li Hesekê li ser gora xwe hat bibîranîn. Malbata şehîd, bi dehan rojnamevan û endamên saziyên sivîl beşdarî merasîmê bîranînê bûn.
Beşdaran bi hilgirtina wêneyên şehîd Egîd Roj û bi berzkirina dirûşmên “Şehîd namirin” serdana gora şehîd kir. Li wir piştî deqeya rêzgirtinê, hevserokê Yekitiya Ragihandina Azad (YRA) Dilyar Cizîrî axivî.
Dilyar Cizîrê di kesyaeta şehîd Egîd Roj de tevahî şehîdên azadiyê bi bîr anîn û got: “Di meşa azadiyê de fedakariyên mezin hatin dayîn. Hinekan xwe kirin dengê teqîqetê ji bo gelê xwe. Di pêvajoya şoreşa Rojava de 31 rojnamevan şehîd bûn. Yê herî dawî şehîd Egîd Roj e ku şahidî ji berxwedana dîrokî ya li Efrînê kir û her tim dengê berxwedanê gelê herêmê bû.”
Dilyar Cizîrî anî ziman ku beriya 40 rojan Egîd Roj li Bendava Tişrînê bû hedefa dewleta Tirk a dagirker û wiha domand: “Berxwedana rojnamevan û gelê Bakur û Rojhilatê Sûriyeyê dewam dike. Ji vi rem berxwedana rojnamevanên şopdarên xeta şehîd Egîd Roj silav dikin.”
Berpirsê Navenda Ragihandinê ya YPG’ê Siyamend Elî jî bi navê ragihandina leşkerî şehîd Egîd bi bîr anî û bi van gotinan têkoşîna wî vegot: “Şehîd Egîd têkoşerek bû, di temenekî biçûk de cihê xwe di nava şoreşê de girt. Xwedî rihekî wiha bû karibû cihê xwe di dilê her kesên wî nas kirine de çêbike. Her tim li aniyan li cem şervanên me bû, heqîqet dişopand û ji raya giştî re radigihand.”
Siyamend Elî di dawiya axaftina xwe de soza şopandina xeta şehîd Egîd Roj da.
Malbata Şehîd Egîd Rojî jî diyar kir ku ew ê heya dawiyê bi rêya kurê xwe yê şehîd ve girêdayî bin û dest ji peyama wî bernadin.
