Di çarçoveya pêkanîna peymana 29’ê Çileyê ya di navbera QSD û hikumeta demkî ya Sûriyeyê de, şandeyeke teknîk a hikumeta demkî îro gihaşt Balafirgeha Navneteweyî ya Qamişloyê.
Şande ji alîkarê serokê Desteya Balafiran a Sûriyeyê Emced Nexal û hejmarek teknîsyenan pêk tê û ji aliyê fermandarê Hêzên Ewlekariya Hundirîn a Parêzgeha Hesekê Merwan Mehmûd û fermandarê Hêzên Ewlekariya Hundirîn Mehmûd Xelîl Elî ve hat pêşwazîkirin.
Ji bo jinûve xebitandina balafirgehê di demên pêş de, dê şande li balafirgehê civînekê li dar bixe û dê rewşa balafirgehê bişopîne.
