Serfermandariya Koreya Bakur got: ‘’Tê texmînkirin ku di mehên Çile û Sibatê de 3 hezar leşkerên din hatine şandin.’’
Artêşê anî ziman ku ji 11 hezar leşkerên destpêkê ji Rûsyayê re hatine şandin, 4 hezar yan hatine kuştin yan jî birîndar bûne.
Têkiliyên Rûsya û Koreya Bakur ku hevalbendên hev in, ji destpêka şerê li gel Ûkraynayê ve ye baştir bûne.
Ne MoskoWayê ne jî Pyongyangê têkildarî hebûna leşkerên Koreya Bakur a li Rûsyayê agahiyeke diyar parve nekirine.
Lê belê her du welatan di Hezîrana 2024’an de di navbera xwe de peymaneke ewlehî û parastinê îmze kirine.
Serfermandariya Koreya Bakur got: ‘’Koreya Bakur li gel alikariya hêza mirovî, alikariya mûşek, techîzatên topxane û cebilxaneyî jî didomîne. Ev alîkarî dibe ku li gorî rewşa şerî zêde jî bibe.’’
Her wiha têkiliya her du Koreyan jî li gel binpêkirineke Koreya Bakur ku sala borî hin mûşekên balîstîkî avêtibûn, gelekî xirab bûne.
Pispor dibêjin ku artêşa Koreya Bakur ku di destê wê de çekên nukleerî hene, ji bo ku li hemberî Ûkraynayê bi kar bîne, çekên ku wê ji Rûsyayê re bişîne, direcibîne.
