Fermandariya Yekîneyên Jin ên Şengalê (YJŞ) Endama Meclîsa PAJK’ê, Konseya Fermandariya HPG’ê û YJA Star’ê, Fermandariya Akademiya Apollo û Fermandariya Biryargeha Navenda YJA Star’ê Berfîn Nûrhaq û mîlîtana xeta fedayî ya Apoyî Sema Roza ku di 13’ê Kanûna 2021’an de li herêma Garê ya Herêmên Parastinê yên Medyayê de di dema erka xwe de şehîd bûne, bibîr anî.
Daxuyanî wiha ye:
“Em bi navê hêza Yêkineyên Jinên Şengal’ê YJŞ’ê di 4. salvegera şehadeta hevala Berfîn Nurhaq û hevala Sema Roza de tevahî şehîdên têkoşîna azadiyê bi hûrmet û minettarî bibîrtînin. Di serî de avakirina Şengalekî Xweser û Demokratîk, soza pêkanîna armanca şehîdan didin da ku em têkoşîna azadiyê bi serkeftinê tacîdar bikin.
Hevala Berfîn Nûrhaq di sala 2014’an de dema ku êrişa DAÎŞ’ê li ser Şengalê pêk hat derbasê Şengalê bû. Li hember hovitiya DAÎŞ’ê yek ji wan fermandaran bû ku bi ruhê Apogerî û qehremanî têkoşiya û heta rizgarkirina Şengal’ê erka xwe ya fermandartiyê bi serkeftî pêk anî.
Hevala Berfîn, bi rêhevalê xwe Egît Civyan, Dilşêr Herekol û Nujîn Amed re ji çiyayên azad ên Kurdistanê derbasê axa Şengalê û deşta Musulê bûn. Û bi hevre wekş Derwêşên Hemdem li dijî fermana 74’an, bi qehremanî şer kirin DAÎŞ’ê têkbirin. Destana civaka azad û jiyana azad û xweser li çiyayê Şengalê neqişandin.
Rêheval Berfîn Nûrhaq wek fermandarekê û peşengekê jin, di têkoşîna azadiyê de diyarker bû, xwedî rolekê pêşeng bû. Bi taybetmendiyên xwe yê fedakar, dilnizim, girêdana xwe bi ax û civak û xwezayê re mînak bû. Wekê rêhevalekê sade, cewherî û bi wêrektiya xwe her tim li pêş bû. Hevala Berfîn perwerdeya ku ji Rêber Apo girtibû, di xeta têkoşîna azadiya jin de, di pratîka xwe de pêk dianî. Li ser axa Şengalê jî bi hişmendiya azadiya jin û bi hemû ezmûnên xwe, li hember DAIŞ’ê qirker û desthilatdariya mêr-dewlet têkoşiya û xeta têkoşîna azadiya jin bilind kir.
Hevala Berfîn bi şerê ku li hemberî DAÎŞ’ê meşand de tola bi hezaran jinên hatin revandin û qetilkirin girt. Berxwedana Cîlanan, dayê Erzanan û dayê Gulêyan xwedî derket û bilind kir. Berxwedana jinan di erdnîgariya Şengalê de kirin remza azadiyê. Di avakirina hêzên parastina Şengalê; YBŞ û YJŞ’ê de roleke girîng û aktîf leyîst. Ji bo carekê din ferman bi serê civaka Êzîdî de neyê û ev civak bikaribe li hember hemû cûreyên êriş û fermanan xwe biparêze, hêza parastina civakê ji bo mayînde bibe hewildan û kedekê bê hempa da.
Em wekî Yekîneyên Jinên Şengalê, dê hêzên parastina jinan; fermandar Berfîn, Medya Egîd, Şîlan Goyî, Nujîn Amed û hemû rêhevalên ku ji YJA Star hatin û jinên Ezîdî ji fermanê rizgar kirin li ked û têkoşîna wan xwedî derbikevin. Ew fermandarên me yên pêşeng, jinên Êzîdî ji fermanan xilas kirin û ji bo her jinên Şengalê bûn hêvîya azadiyê.
Wekê jinên Şengalê ên tekoşer emê rêheval û fermandar Berfîn Nûrhaq di têkoşîn û jiyana xwe de bidin jiyîn û bibin şopdarê xeta azadi û rêya heqîqetê. Di serî de ji bo azadiya jinên Êzîdî, ji bo azadiya hemû civakê emê rêxistin û têkoşîna azadiya jinan bilind bikin. Wekê hêza parastina jin, emê tola bi hezaran jinên ku hatine qetilkirin û wenda kirin hilînin, azadî û xweseriya Şengalê misoger bikin.
Li ser vê esasê carekê din di serî de hevala Berfîn û hevala Sema Roza, Medya Egîd, Şîlan Goyî, Berxwedan Şengalî, heval Seîd, Zerdeşt Şengalî, Çeko Çatak, Dilgeş Rojhilat, Gulçîn Rojhilat, Berîvan Şengalî, Nujîyan Erhan û di şexsê wan lehengan de hemû şehîdên Şengalê û şehîdên têkoşîna azadiyê bi ruhê rêhevaltî, bi hezkirin û minetdarî bibîr tînin û soza pêkanîna armanca wan didin.”
