Fermandariya Giştî ya Yekîneyên Parastina Jin (YPJ) bi daxuyaniyekê şehadeta Hêvî Amûdê ragihand.
Daxuyanî wiya ye: “Ji bo ku azadiya gelê me mîsoger bibe, tevlîbûnên ku bi bîr û baweriya civakeke azad xwedî wateyeke qedirbilindin. Ji ber wê jî zarokên welatê me rêka azadiyê hildibêjêrin. Her çiqas pergala kapîtalîst di nava hewildanên bê wate kirina jiyana civakan da be jî, di pêşengtiya jinan de hemû kiryarên dijî civakan vala tên derxistin. Li hemberî feraseta Katilê Kastik jinên leheng yên mîna Denîz, Sîdar, Leyla û Gerîla jî xwedî çanda berxwedaniya dîrokî ya welatê Rojê ne ku îro ji bo gelê xwe dibin hêvî û baweriyeke mezin. Di van demên ku em bi planên pir qirêj re rû bi rû ne, emê bi biryardariyeke bilind qedera gelê xwe bi destê gelê xwe diyar bikin.
Hevrêya me Silava Şêxmûs bi nasnav Hêvî Amûdê di nava malbeteke welatperwer ya bajarê Amûdê de mezin bû ye. Hêvî di jiyana xwe ye şoreşgerî de bi fedakariyeke bilind, di nava refên YPJ’ê de bi sekna xwe ye bi pîvan dihate nasîn. Heta dawî bi tevlîbûna xwe ji bo pêkanîna paradigmaya azadiya jinê ked da. Hevala me Hêvî sembola wêrekî, fedakarî û baweriyê bû. Di her şer û mercî de ji bo pêkanîna erkên şoreşgerî jiyan kir. Hevrê Hêvî bi hilbijartiya xwe ye rêya azadiyê re, li hemberî her cûre dagirkerî û polîtikayên pişaftinê rêka tekoşînê şênber kir.
Di hemû deman de bi îrade û hêviyeke mezin tevlî xebatên tekoşîna azadiya jin bû. Di nava refên YPJ’ê de bi meşa xwe ye dûrûst û bi rûmet, dijî kiryarên feraseta mêr ya hilweşîner şer kir. Di hemû kar û xebatan de bê ku ferq û cudahî bike nav, cihê xwe girt û weke jineke şoreşger bi berpirsiyartiya erkên demê rabû, bi rûheke pêşeng û serkeftî jî erkên xwe pêkanî.
Em bi xemgîniyeke mezin diyar dikin ku hevrê ya me Hêvî Amûdê di 3’ê Sibatê de, di encama krîza dil de şehid bû. yên ku hemû jiyana xwe dikin bin xizmeta gelê xwe afirand.
Bîranîna hevala me Hêvî, wê di dil û bîra gelê me de her tim bijî. Hêvî bi jiyan û sekna xwe ye têkoşer di xeta azadiya jinê de serbilindiyeke. Em ji malbata hêja û qedirbilind ya hevala xwe Hêvî û tevahî gelê xwe yê welatparêz re sersaxiyê dixwazin. Rêya ku şehîdên me hilbijartine, rêya azadî, berxwedan û rûmetê ye.”
Nasnameya şehîd wiha ye:
Nasnav: Hêvî Amûdê
Nav û Paşnav: Silava Şêxmûs
Navê Dayîkê: Xalisa
Navê Bav: Ereb
Cih û Dîroka Şehadetê: 03.02.2026 –Amûdê.
