Ji VOA, Radyoya Asya Azad (Radio Free Asia), Radyoya Ewropa Azad (Radio Free Europe) û ji saziyên din ên çapemeniyê bi sedan rojnamevan û xebatkarên din dawiya hefteyê e-mailek wergirtin ku tê de digot, wê ji kar bêne avêtin. Her wiha ji wan hate xwestin, qertên xwe yên çapemeniyê, telefonên kar û amûrên din radest bikin.
Ev rewş rojek piştî weşandina biryarnameyeke ‘parçeyek kêrnehatî yê burokrasiya federal’ a saziya dewletê ya medyayê kontrol dike ya Donald Trump qewimî.
Li gorî Qesra Spî, ev tedbîr wê bike ku ‘mirovên bacê didin êdî neçar nemînin ku ji bo propagandaya radîkal bacê bidin’.
Dîrektorê VOA’yê Michael Abramowitz anî ziman ku yek ji 1.300 personelên ji kar hate dûrxistin ew bi xwe ye.
Abramowitz anî ziman ku pêwîstiya VOA’yê bi reformekê heye, di vê mijarê de ew bi pêş ve çûn, lê belê çalakiya îro wê li pêşiya Dengê Emerîkayê bibe asteng ku wezîfeya xwe bi cih bîne.
Abramowitz diyar kir ku radyo bi 48 zimanan weşanê dike û her hefte digihêje 360 milyon mirovî.
Serokê Komîteya Parastina Rojnamevanan (CPJ) Carlos Martinez de la Serna anî ziman ku ev hewldana rêveberiya Qesra Spî karekî gelekî qirêj e.
Li gorî Rêxistina Rojnamevanên Sînornenas (RSF) ev biryar di asta navneteweyî de gefê li azadiya çapemeniyê dixwe û dîroka 80 salî ya herikîna azad a agahiyan a Emerîkayê ji holê radike.
