Matthew Whitaker beriya civîna wezîrên parastinê ya li Brukselê got, “Em ji niha ve dibînin ku Kremlin armanc dike ku artêşa xwe ji nû ve ava bike. Divê mutefîkên NATO’yê ji Rûsyayê pêşdetir bin.”
Whitaker wiha domand: “Moskova ji niha ve amadekariya pêngava din dike” û bi bîr xist ku welatên NATO’yê li dijî van gefên Rûsyayê “ti bijarteyeke din tineye”.
Whitaker pêde çû: “Divê em zelal biaxivin, dema zêdekirina lêçûnên leşkerî hatiye.”
Sekreterê Giştî yê NATO’yê Mark Rutte destnîşan kir ku Rûsya hilberîna çekên xwe leztir kiriye û got, “Gefa Rûsyayê heye. Ew ê demek dirêj bidome û Rûsya bi lez hêzên xwe ji nû ve ava dike.”
Rutte anî ziman ku Rûsya di warê çekan de “di sê mehan de bi qasî mîqdara ku NATO di salekê de hildiberîne, hilberandiye.”
Li gorî servîsên îstîxbaratê yên rojavayî, Rûsya di nav 5-7 salên pêş de wê bigihêje kapasîteya ku karibe êrîşî welatekî endamê NATO’yê bike.
