Nûnera Bilind a Karên Derve ya Yekîtiya Ewropayê (YE) Kaja Kallas dîmenê du dîlgirtiyên Îsraîlî yê ji aliyê Hamas û Cîhada Îslamî ve hatî weşandin, weke “tirsnak” pênase kir. Kallas xwest ku dîlgirtî bêşert û merc û demildest bên berdan.
Kallas di daxuyaniya li ser platforma medyaya dîjîtal X’ê dayî de, ev tişt got, “Ev dîmen hovîtiya Hamasê nîşan dide. Divê hemû dîlgirtî demildest û bêşert û merc bên berdan.”
Di dîmenên ku pêncşem û îniya borî hatin weşandin de, du dilgîrtiyên zehîf û nexweş cih digirin. Vê yekê li Îsraîlê înfialek mezin çêkir û ji bo berdana wan bangên ji bo lihevkirinê zêde bûn.
Kallas her wiha diyar kir ku divê Hamas çek berde û dawî li rêveberiya xwe ya li ser Xezeyê bîne.
Kallas ev bang kir: “Divê Hamas çekên xwe berde û dawî li serweriya xwe ya li ser Xezeyê bîne. Di heman demê de divê destûr were dayîn ku alîkarî bigihije mexdûran.”
