Serokê Şandeya Komîteya Navneteweyî ya Xaça Sor (ICRC) Stefan Sakalian ku di vê hefteyê de serdana Siwêdayê kir diyar kir ku tevî ku ji 10 rojan ve agirbest heye, lê rewşa mirovî gelekî xerab e.
Stefan Sakalian destnîşan kir ku şêniyên herêmê zehmetiyên kêmbûna xurek, av û dermanan dikişînin û alîkariyên vê dawiyê gihane herêmê hewcedariyên wan ên herî kêm dabîn nakin.
Sakalian anî ziman ku destpêka vê hefteyê 27 kamyonên alîkariyan gihane herêmê, lê bi hevrûkirina mezinahiya krîzê têrê nakin.
Sakalian bal kişand ser daxwazên şêniyan jî û got, daxwazên wan ne tenê alîkarî ne, lê di heman demê de xizmetên weke kehrebe vegerin, ewlehî û îstîqrar li herêmê misoger bibe.
Sakalian destnîşan kir ku pêdivê bi vegerandina baweriyê di nava tevahî aliyan de heye û ev yek wekî “gaveke ber bi çareseriya berfireh ve” pênase kir.
Têkildarî çareseriya li Siwêdayê Sakalian anî ziman ku divê çareseriya li Siwêdayê ne tenê mirovî be, di radeya yekemîn de divê siyasî be. Sakalian bal kişand ser berdewama bûyerên revandina welatiyan.
Sakalian ragihand Komîteya Navneteweyî ya Xaça Sor ragihand ku ger rewş guncaw bin û ji bo hêsankirina berdana revandî û windayan, amade ye navbeynkariyê bike û alîkariyan pêşkêş bike.
