Bûyerên piştî Banga Aştî û Civaka Demokratîk a Rêber Apo wê werin şopandin.
Bûyerên têkildarî Komîsyona ji bo çareseriya pirsgirêka Kurd li Meclîsê hate avakirin wê werin şopandin. Komîsyon wê îro cara sêyemîn li hev bicive.
Endamê Komîsyona Meclîsê Celal Firat anî ziman ku komîsyona nû ji bo çareseriya daxwazên welatîbûna wekhev a civaka Elewî firsendeke girîng e û got, “Polîtîkayên asîmîlasyonê divê bi dawî bibin. Pêvajo ji bo çareseriya demokratîk a pirsgirêkên Kurd û Elewî hêviyê diafirîne.”
Mûrat Mihçi yê ji DEM Partiyê ji bo rêveçûna pêvajoyê xwest, li nêrînên Rêber Apo û rêxistina wî bê guhdarîkirin û got, divê komîsyona bi van aliyan re hevdîtinê bike, çareseriyê biafirîne û nêrînên her derdorê nîqaş bike.
Dayika 92 salî ya Ahmet Tunelî ku berdana wî sê caran hate taloqkirin, bi hêviya ku kurê xwe bibîne li ber derî disekine. Azîze Tunelî got, “Beriya ku bimirim dixwazim kurê xwe bibînim.”
Pêngava têkoşîna gerîla ya 15’ê Tebaxa 1984’an, çalakiya destpêkê ya şerê berxwedanê bû ku wê mohra xwe li dîroka nêz a Kurdistan û Tirkiyeyê bixista. Şerê gerîla ji vê rojê û pê ve wê êdî diyarker bûya.
