Bi boneya salvegera damezrandina PYD’ê, hizbên siyasî, partî û aliyên siyasî yên Başûrê Kurdistanê serdana Nûnertiya PYD’ê ya li Silêmaniyê dikin.
Bi vê boneyê şandeyek YNK’ê ya ji endamê Rêveberiya YNK’ê Salar Mehmûd, Waliyê Silêmaniyê Heval Ebubekir, nûnerên Malbenda 1 ya YNK’ê ya Silêmaniyê, Waxfa Mam Celal û Ragihandina YNK’ê serdana Nûnertiya PYD’ê kir.
Endamê Rêveberiya YNK’ê Salar Mehmud ku serdana PYD’ê kir, ji ajansa mere axivî û got; “PYD hêzek nîştimanî û Kurdistaniye, li Rojavayê Kurdistanê xwedî bandorek mezine û di serxistina şoreşa Rojavayê Kurdistanê de rolek mezin lîst. Ev destkeftiyek mezine, di nava vê şoreşê de bi taybet jinan rolek bi bandor û mezin lîstin. Em weke YNK piştgiriya Rojavayê Kurdistanê dikin. Me ji bo naskirina kantonên Rojavayê Kurdistanê, li parlamentoya Herêma kurdistanê pêşengtî kir.”
Salar Mehmud herî dawî got; “Divê ji bo Rojavayê Kurdistanê têbikoşîn û deswerdan dikar û barê wan de neyê kirin. Em hewl bidin hevsengiyek netewî di navbera Herêma Kurdistan û Rojavayê Kurdistanê de hebe.”
