Dayikên Aştiyê li Rihayê li salona konferansê ya Şaredariya Hewagê li hev civiyan, salon bi pankart, wêneyên dayika Rêber Apo Uveyş Ocalan û Dayikên Aştiyê û Dayikên Şemiyê yên jiyana xwe ji dest dan, xemilandin. Konferansê bi govend û dirûşman destpê kir. Aynûr Yilmaz got, “Em aştiyeke bi rûmet û mayinde dixwazin… Em ji Rêberê xwe bawer dikin” û banga yekîtiyê li dayikan hejûyan kir.
Li Mêrdînê jî pêşkkonferans li avahiya bajêr a DEM Partiyê hate lidarxistin. Gelek Dayikên Aştiyê û Parlamentera DEM PartiYê Salîh Aydenîz tevlî bûn. Endama TJA’yê Çîmen Fîdan axivî û anî ziman ku dayikan berdêlên giran dan û herî zêde aştî mafê dayikan e. Çîmen Fîdan diyar kir ku divê dewlet gavên şênber biavêje û aştî bi yekalî nabe.
Li Êlihê pêşkonferans li Salona Konferansê ya Tahîr Elçî pêk hat û dayikan bal kişandin ser daxwaza aştiyê. Endama meclîsê Sûltan Azboy got, “Dayikan berdêla herî giran a vê têkoşînê dan.” Di civînê de bang li desthilatdariyê hate kirin ku gavên şênber biavêje.
