Navenda Lêkolînan a Jineolojî ya Helebê salvegera 3’yemîn a şehadeta lêkoler û rojnamevan şehîd Nagîhan Akarsel li Mala Xwendinê ya rojhilatê taxa Şêxmeqsûd bi çalakiyekê bi bîr anî.
Di çalakiyê de nûnerên partiyên siyasî, saziyên sivîl, meclis, komîn, tevgerên jinan û xwendekar amade bûn.
Di serî de sînevîzyonek li ser jiyana şehîd û dengê wê ya ji perwerdeya li ser enerjiyê hatin pêşandan.
Piştre nûçegihana Ronahî TV Sozdar Weqas û endama Komîteya Lihevanînê Fatme Hesen ên ku li kantona Efrînê ya dagirkirî perwerdeya li ser Jineolojiyê ji şehîd Nagîhan Akarsel girtine, axivîn.
Herduyan diyar kirin ku şehîd Nagîhan Akarsel xwedî kesayeteke xurt û îradeyeke mezin bû û karibû bi gotin û fikrên xwe bandoreke mezin pêk bîne.
Her wiha xebatên Mala Xwendinê ya ku berî 2 salan di heman rojê ji bo bibîranîna şehîd Nagîhan Akarsel hatiye vekirin, hatin xwendin.
Di dawiya çalakiyê de koma stranan stranên li ser jinên pêşeng û fedakariya wan a ji bo rizgariya jinan pêşkêş kirin.
Şehîd Nahîhan Akarsel di 4’ê Cotmeha 2022’yan de li taxa Bextiyarî ya bajarê Silêmaniyê yê Başûrê Kurdistanê ji aliyê MÎT’ê ve hat şehîdkirin.
