Rêber Apo di hevdîtina Şandeya Îmraliyê ya Partiya Wekhevî û Demokrasiyê ya Gelan (DEM Partî) ji bo meşa “Em bi hêviyê ber bi azadiyê ve dimeşin” ji Amedê ber bi Enqereyê ve hatiye lidarxistin peyamek şand.
Peyama Rêber Apo wiha ye:
“Ez bawer dikim ku meşa ‘Em bi hêviyê ber bi azadiyê ve dimeşin’ ku ji aliyê jinên TJA ve hatiye destpêkirin, dê tevkariyeke girîng li muzakereyên demokratîk bike.
Ez wekî pêdiviyek demokrasiya şêwirdarî diaxivim û tevdigerim. Mizakereya demokratîk çareseriya heyî bû ku ji hêla şaristaniyê ve piştî 300 sal şer û xwînrijandinê pêş ket.
Muzakere, di her têkiliyê de pêwîst e û divê esas bê girtin. Ji bo têkiliyên di navbera jin-mêr de ev rêbaz dikare bê esasgirtin. Di têkiliyên kevneşopî de, mêr serdest in, lê jin bindest in û îtaetkar in. Ev otorîte nayê qebûlkirin. Ji ber ku jin vê yekê qebûl nakin, ew ber bi azadiyê ve dimeşin.
Ez pêşniyar dikim ku jin pirsgirêkên xwe yên bi dewlet, civak, malbat û mêran re bi rêya muzakereyê çareser bikin. Divê kes bi zimanekî otorîter an fermandar nêzîkî hev nebe. Dê bi zimanê wekheviyê em ê bi ser kevin.
Li ser vê bingehê, ez hemû hevalên jin ên di meşa ‘Em bi hêviyê ber bi azadiyê ve dimeşin’ de bi rêzdarî silav dikim, ez wan ji bo ked û dilsoziya wan a ji bo azadiyê pîroz dikim.
Abdullah Ocalan
3’yê Cotmeha 2025’an”
