Meclisa Malbatên Şehîdan a bajarê Dirbêsiyê yê kantona Cizîrê ji bo gerîlayê HPGˊê şehîd Şevger Dirbêsiyê (Ridwan Osman) û endamê Hêzên Xweparastinê şehîd Ebdulwehab Xelef 2 konên sersaxiyê li pêş malbatên her du şehîdan li gundên Qenter û Til Kermî yên bajêr vedan. Şevger Dirbêsiyê di bersivdana êrîşên dewleta Tirk a dagirker ên li dijî Zapê ya Herêmên Parastinê yên Medayayê di 29ˊê Tebaxê de û Ebdulwehab Xelef di 25ˊê Cotmehê de dema li ser erka xwe bû, şehîd bûn.
Di merasîmê de bi sedan xelkê bajêr, endamên saziyên sivîl û leşkerî, meclis û Hêzên Ewlekariya Hundirîn, tevgerên ciwan û jinan û nûnerên ji partiyên siyasî yên bajêr, amade bûn.
Di bin konê şehîd Şevger Dirbêsiyê yê li gundê Qenterê de endamê Meclisa Malbatên Şehîdan Xebat Ehmed axivî û sersaxî da malbata şehîd û got: “Gelê Kurd di têkoşîna tevgera rizgariya Kurdistanê de, di oxira azadî û edaleta ji bo bidestxistina mafên xwe de û têkoşîna dijî zulm û zordariyê, bi hezaran şehîd da.”
Li aliyekî din jî endamê Nivîsgeha Malbatên Şehîdan a Hêzên Xwepararastinê Ehmed Îbrahîm diyar kir ku ew ê rêç û têkoşîna şehîdan heta dawiyê bişopînin û temam bikin.
Li ser navê malbatên şehîd Şevger, dotmama şehîd Newrozê Elî axivî û got, “Cihê şehîdan li cem gelan pir bilind û biqîmet e. Em ê heta pêkanîna azadiyê li ser metoda şehîdan bin.”
Li bin konê sersaxiyê yê şehîd Ebdulwehab Xelef ê li gundê Til Kermî endama Meclisa Malbatên Şehîdan a Dirbêsiyê Nor Ebas tevahî şehîdên azadiyê bi bîr xistin û got: “Em soz didin li ser metoda şehîd Ebdulwehab û tevahî şehîdên azadiyê li hemû qadan bin.”
Endamê Partiya Yekitiya Demokratîk (PYD) a bajarê Dirêbsiyê Idrîs Hisên got: “Şehîd Ebdulwehab Xelef ji destpêka Şoreşa 19ˊê Tîrmehê ve li eniyên berxwedanê, dûre li saziyên Rêveberiya Xweseriya Demokratîk, PYDˊê heta bi akademiyan, kar û xebat kir û weke têkoşerekî heta dawiyê dilsozê gelê xwe ma.”
Endama Kongra Star a bajarokê Til Kermî Stêr Hesen jî got berxwedana gelan û fedakariyên wan îro doza Kurd gihand seranserî cîhanê û got, “Fedakariyên şehîdan ji bo me menare ne.”
Li ser navê malbata şehîd Edulwehab, kurê şehîd, Mihemed Xelef got ew heta serkeftinê li ser şehîdan, fikir û felsefeya Rêber Apo ye.
Merasîm bi diruşmên “Şehîd namirin” bi dawî bû.
