Li gorî Navenda Lêkolînên Jeolojîk a Dewletên Yekbûyî yên Emerîkayê (USGS), erdhej bi dema herêmî saet di 20:30’î de li navçeya Holm a wîlayeta Samanganê, li nêzî bajarê Mezar-i Şerîf bi 28 kîlometreyan li binê erdê qewimî.
Berdevkê Wezareta Tenduristiyê ya Efganistanê Şerafat Zaman diyar kir ku li wîlayetên Samangan û Belhê nêzî 320 kes birîndar bûn, zêdeyî 20 kesan jiyana xwe ji dest dan. Rayedar got, dibe ku hejmara mirî û birîndaran zêdetir bibe.
Saziya Rêveberiya Afetê ya Efganistanê diyar kir ku li Samanganê gelek birîndar piştî tedawiyê li malên xwe vegeriyan.
Wezareta Parastinê jî ragihand ku paytext Kabûl li gel ku bi seda kîlometreyî dûrî cihê erdhejê ye, bi erdhejê hesiya.
Erdheja herî dawî li wîlayetên Kunar, Lagman û Nangaharê dawiya meha Tebaxê bi mezinahiya 6 pileyî rû da bû û di encamê de herî kêm 2.200 kesî jiyana xwe ji dest dabûn.
