Li gorî rayedaran leza bayên ku ji ber bahozê rabûne gihîştine di saetekê de 150 û 185 kîlometreyan û li ser giravên Cebu û Negrosê ber bi aliyê rojava ve diçin. Bahoz, roja Duşemê beriya nîvşev li ser Giravên Dinagat ên li rojhilat ketine welêt.
387 hezar kesên li ser rêya bahozê ji herêmên ewle re hatin veguhestin. Li eyaleta Bahol welatiyek ma bin darekê ketî xwarê û jiyana xwe ji dest da û li eyaleta Leyteyê jî welatiyek xeniqî.
Li herêmên ku bahoz lê derbas bûye, dar û dîrekên ceyranê hatine xwarê û xanî di bin avê de mane. Bi sedan kesên ku ji ber erdheja di meha Îlonê de ya bi pileya 6,9’an di konan de diman jî ji bo ewlehiyê ji nû ve hatin veguhestin.
Rayedarên meteorolojiyê, hişyarî dan dibe ku ji ber avûhewayê La Ninayê heya dawiya salê sê yan jî pênc bahozên nû rabin.
Filipîn, her sal bi 20 bahozan re rû bi rû dimîne. Pispor diyar dikin ku ji ber guherîna avûhewayê wê bûyerên hewayî yên dijwar ên bi vî rengî zêdetir pêk werin.
