Çalakvan û welatiyên sînorê Silêmaniyê serdana dadgeha Silêmaniyê kirin û li dijî rijandina bermayiyên nefta kîmyayî li navçeyên sînorê Silêmaniyê doz vekirin. Li ber Dadgeha Silêmaniyê daxuyaniyek çapemeniyê hate dayîn.
Nûnerê Desteya Parêzvanên Zevî û Xwezaya Silêmaniyê Karzan Fazil di daxuyaniya çapemeniyê de axivî û got: “Ji ber rijandina bermayiyên nefta kîmyayî li Silêmaniyê metirsiya rûdana karesatên mirovî û jîngehî heye. Li ser vê yekê li Silêmanî, Pênciwên, Şarezûr, Helebce, Dukan û Germiyanê doz li dijî sucdaran hatine vekirin. Li gorî Yasaya Jîngehê ya 2008’an, çalakiyên bi vî rengî sûcên jîngehê yên cidî ne. Ji ber ku ev made dermanên jehrî ne û zirarên cidî didin jîngehê.”
Welatiyê gundê Kanî goran ya ser bi parêzgeha Silêmaniyê Osman Heme Emîn jî di daxuyaniyê de axivî û wiha anî ziman: “Ez lawiran xwedî dikim. Ji ber rijandina van madeyan çend serî gamêşên min şewitîne. Li beramberî vê yekê, min doz vekiriye da ku sûcdar bên dîtin û cezakirin.”
Hêjayî gotinêye ku li gundên sînorê parêzgeha Silêmaniyê du heften e ji aliyê kesên nenas ve bermayiyên nefta kîmyayî tê rijandina jîngehê. Bermayên nefta kîmyawî li sê gundên sînorê Silêmaniyê gundê Miredê, gundê Reşey Remezan, gundê Birayîm Qewat û nêzîkî daristana navçeya Warmawa rijiya ye. Vê yekê jî metirsî xistiye li ser jîngehê. Şaredariya Warmawa li gel aliyên peywendîdar ji bo çareserkirina pirsgirêkê û girtina sucdaran, lêkolîn û lêpirsîn destpêkirine.
