Ji bo şêwirmenda Partiya Wekhevî û Demokrasiyê ya Gelan (DEM Partî) Dîlan Karaman a ku bi awayeke biguman jiyana xwe ji dest da, li bajarê wê Wanê merasîma cenaze hat lidar xistin.
Cenazeyê Dîlan Karaman a ku duh êvarê ji Amedê birin Wanê, piştî limêja nîvro li Goristana Akkopruyê hat definkirin. Tabûta Dîlan Karaman a ku bi laçika binefşî û rengên kes û sor û zer ve
hat pêçandin, ji aliyê jinan ve hat hilgirtin.
Tevî hevrê û malbata Dîlan, Hevseroka Giştî ya Partiya Herêmên Demokratîk (DBP) Çîgdem Kiliçgun Uçar, endama şandeya Îmraliyê ya DEM Partiyê Pervîn Bûldan, Parlamentera DEM Partiyê ya Mêrdînê Salîha Aydenîz, aktivîstên Tevgera Jinên Azad (TJA), endamên Komeleya Rojnamegerên Jin a Mezopotamyayê (MKG), Komeleya Rojnamegeran a Dîcle Firatê (DFG), Dayikên Aştiyê, hevşaredar, rêxistinên DEM Partî û DBP’ê tevlî merasîma cenazeyê bûn.
Jinan di merasîma cezaneyê de peyama xwe ragihandin ku ew ê dev ji şopandina mirinên biguman bernedin.
Malbat dê sersaxî li Mala Şînê ya Camiya Navendê deyne.
