Waliyê Silêmaniyeyê Heval Ebûbekir li Parêzgeha Silêmaniyê bi amadebûna Leyla Omer pêşwazî li Hevşaredarên Farqîn, Nisêbîn, Sêrt û Pirsûsê kirin.
Waliyê Silêmaniyeyê Heval Ebûbekir têkildarî serdana hevşaredarên jin yên Amed, Mêrdîn, Riha û Sêrtê yên Bakurê Kurdistanê peyamek belav kir.
Di peyamê de hate ragihandin ku îro li Silêmaniyeyê bi hevkariya Seroka Şaredariya Silêmaniyê Leyla Omer pêşwazî li şandeyeke hevşaredarên jin yên Bakurê Kurdistanê kiriye.
Di şandeyê de hevşaredara Pirsûs ya Riha Aytena Kaya, hevşaredara Farqîn ya Amedê Sevîm Bîçîcî, hevşaredara Sêrtê Safiye Akdag û hevşaredara Nisêbîn ya Mêrdînê Gulbîn Şahîn cih digirin.
Hate ragihandin di civînê de nîqaş li ser hevgirtina çandî û jîngehî ya di navbera Silêmanî û bajarên Bakurê Kurdistanê de hatiye kirin.
Hate ragihandin ku Waliyê Silêmaniyeyê piştevaniya xwe ya ji bo şandeyê aniye ziman.
Hêjayî bibîr xistinê ye hevşaredar roja Şemiyê serdana Endama Mekteba Siyasî ya YNK’ê Şanaz Îbrahîm jî kiribû.
