Serokê Giştî yê MHP’ê derbarê mîtîngê de daxuyanî da û got, “Berî her tiştî, divê ez bibêjim ku di nav sînorên rewa yên azadiya raman û îfadeyê de û di çarçoveya qanûnên heyî û bendên destûrî de her kes, her partiyên siyasî mafê wan ê xwepêşandan, çalakî û civînên li derve heye.”
Bahçelî wiha domand: “Di rewşeke ku CHP’ê heta niha 75 mîtîng li dar xistiye û partiyên din ên mezin û biçûk, li ser her bingeh û platformê civînên li hundir an jî li derve li dar xistine de, mitînga ku DEM Partî li dar dixe ne tiştek e ku were mezinkirin an jî bibe pirsgirêk.”
Serokê Giştî yê MHPê wiha pê de çû: “Bi ya min, di mitînga ku DEM Partî wê di 4’ê Çileya 2026’an de li dar bixe de ti mahzûra wê tineye. Bê guman, ew dikarin bicivin û hêvî, daxwaz û ramanên xwe bînin ziman.”
Bahçelî wiha lê zêde kir: “Gavên bi biryar ên DEM Partiyê ber bi bûyîna partiyeke Tirkiyeyê ve dibîne û bi nirx dibînim. Bila ew di 4’ê Çileya 2026’an de bicivin û daxwazên xwe ragihînin; tiştekî li dijî vê yekê bibêjim tineye.”
Bahçelî axaftina xwe wiha bi dawî kir: “Divê ti kes banga 27’ê Sibatê ji nedîtî ve neyê û xizmetê ji tarîkirina vê bangê re neke. Bi vê wesîleyê ez bi hesret, rêz û hezkirin xwişk û birayên xwe yên ji Diyarbakirê silav dikim.”
