Balyozê Danîmarkayê yê Washingtonê Jesper Møller Sørensen, piştî peyama hevjîna rayedarekî pilebilind ê DYA’yê ya li ser medyaya civakî, daxuyaniyek da.
Hevjîna Alîkarê Midûrê Kalemê yê Taybet ê Cîgirê Serokê DYA’yê Stephen Miller, Katie Miller, li ser platforma X’ê wêneyekî Gronlandê yê bi rengên ala DYA’yê parve kir û got “Nêzîk e”. Ev parvekirin bû sedema şiroveyên ku dibêjin dibe ku Gronland ji aliyê DYA’yê ve bê îlhakkirin.
Balyozê Danîmarkayê Sørensen, wek bersiv ji parvekirinê re diyar kir ku DYA û Danîmarka muttefîkên nêzî hev in û got: “Em li bendê ne ku bi temamî rêz li yekparçebûna axa Keyantiya Danîmarkayê bê girtin.”
Serokê DYA’yê Donald Trump berê jî daxwaza xwe ya îlhakkirina Gronlandê anîbû ziman û di dawiya meha Kanûnê de ragihandibû ku ew ê ji bo vê axa xweser a Danîmarkayê nûnerê taybet tayîn bike. Ev gavan, aloziya navbera her du welatan careke din germ kir.
Parvekirina navborî, piştî operasyoneke artêşa DYA’yê ya li Venezuelayê pêk hat. Pispor destnîşan dikin ku geşedanên li Venezuela û daxuyaniyên derbarê Gronlandê de, wekî peyamekê ji bo muttefîkan tê dîtin ku polîtîkayên DYA’yê yên li ser herêmên stratejîk nîşan dide.
