Meclisa Sûriyeya Demokratîk (MSD) der barê êrîşên li ser taxên Şêxmeqsûd û Eşrefiyê de daxuyaniyek weşand.
MSD’ê êrîşên komên girêdayî hikumeta demkî ên li ser taxên Şêxmeqsûd û Eşrefiyê û ambargoya ku heman komên daniye ser ser taxan bi tundî şermezar kirin.
MSD’ê diyar kir ku hedefkirina qadên niştecihan binpêkirina rêgezên parastina sivîlan e û hewldanê kêmkirina rageşiyan lawaz dikin.
MSD’ê daxuyand ku hikumeta demkî di aliyê siyasî û exlaqî de berpirsê van bûyeran û got, komên êrişên dikin girêdayî hikumetê ne û berpirsê kontrolkirina nêzîkatiyên wan û rêgirtina li ber van binpêkirinan e.
MSD’ê bi bîr xist ku ev geşedan hemwextî dan û standinên bi armanca pêkanîna peymana 10’ê Adarê de di navbera QSD û hikumeta demkî de rû didin û got “Berdewma êrişên bêserûber li dijî rihê peymana agirbestê û li dijî sepandina lihevkirinên siyasî û ewlehiyê ne, di heman demê de derfetên serxistina peymanê lawaz dikin.”
MSD’ê di dewama daxuyaniyê de îşaret bi vê yekê kir ku her hewldaneke siyasî bêyî kontrokirina çekan û rêgirtina li ber binpêkirinên li dijî sivîlan wê bi ser nekevin. Her wiha destnîşan kir ku parastina Sûriyeyan û aştiya navxweyî cewherê lihevkirin û diyalogan e.
MSD’ê di dawiya daxuyaniyê de banga agirbestê kir û wekî dergehê parastina sivîlan û serxistina her pêvajoyeke siyasî ye. Her wiha banga rêgirtina li ber kîndarî û provokasyonan kir û diyalog wekî rêya yekane ya çareseriya siyasî û yekparbûna Sûriyeyê pênase kir.
