Li gorî agahiyên ji herêmê hatine wergirtin, yekîneyek Hêzên Ewlekariya Şêxmeqsûdê li dijî xaleke çek û cebilxaneyên çeteyan a li derdora Çerxerêya Şîhan operasyonek li dar xist, di encamê de teqînek mezin çêbû. Gelek çeteyên li wê xalê hatin kuştin û birîndarkirin.
Hat diyarkirin ku çeteyan ji wê xalê ve Şêxmeqsûdê topbaran dikirin.
ÊRÎŞÊN LI SER DÊR HAFIRÊ DEWAM DIKIN
Êrîşên komên çete yên girêdayî Hikûmeta Demkî ya Sûriyeyê li ser Dêr hafirê dewam dikin. Cara duyemîn bi obusan êrîşa hate kirin. Tê diyarkirin ku di êrîşê de zirar gihîştiye malên sivîlan.
LI HECÎNÊ NUQTEYEKE QSD’Ê HATE HEDEF GIRTIN
Navenda Ragihandina Hêzên Sûriya Demokratîk (QSD) bi daxuyaniyekê ragihand ku “di Saet 17.00ˊan de çekdarên nenas ji aliyê din ê çemê Firatê yê di bin deverên hikumeta demkî de nuqteyek li nêzî bajarê Hecînê yê gundewarê rojhilatê Dêrazorê hedef girt.
Êrîşkaran bi RPG êrîş kir, lê tu birîndarî çênebûn, tenê zirarên madî bûn.
Hêzên me amade ye bersiva her gefekê bide û tedbîrên xwe yên guncaw ên parastina nuqteyên leşkerî, ewlehî û aramiya herêmê girtine.”
