Ozgur Ozel di Konferansa Aşitiya Civakî û Demokrasiyê’’ ya li Stenbolê hate lidatxistin de axivî û diyar kir ku divê li Tirkiyeyê aşitiya navxweyî were dabînkirin.
Ozgur Ozel anî ziman ku pirsgirêka Kurd barekî giran ê civakî ye û destnîşan kir ku CHP amade ye ku di çareserkirina vê pirsgirêkê de berpirsiyariyan bigire ser milên xwe û got: ‘’Em dixwazin ku vê meselyê di bin banê Meclîsê de bi zelalî û wêrektî çareser bikin.’’
Ozgur Ozel piştre desteserkirina şaredariyan û dozên ‘’Lihevkirina Bajêr’’ bi tundî rexne kirin û cezayê li Serokê Şaredariya Esenyûrdê Ahmet Ozel hatiye birîn, girtina Resûl Emrah Şahan û pêvajoya darizandina têkildarî Ekrem Îmamoglû weke ‘’derbeyeke eşkere ya li dijî aşitiya Tirkiyeyê’’ pênase kirin.
Ozel Ozel di dewama axaftina xwe de bal kişand ser polîtîkaya Sûriyeyê jî, diyar kir ku ew piştgiriyê didin pêkvejiyana hemû nasnameyên li Sûriyeyê ya di bin misogeriya qanûna bingehîn de û got ku Tirkmen, Kurd û Ereb birayên hevûdu ne.
Ozel piştre ev yek anîn ziman: ‘’Em bi awayekî eşkere gotinên wêranker ên hewl didin ji nû ve feraseta ‘Kurd terorîst in’ biafirînin, wan hedef digirin û bêrêziyê li rûmeta wan dikin, red dikin. Aramî û xweşguzariya Sûriyeyê wê ji bo Tirkiyeyê baş be. Lihevkirina li Sûriyeyê cihê kêfxweşiyê ye lê belê divê ev pêvajo li pêşiya aşitiya navxweyî ya li Tirkiyeyê nebe astengî.’’
