Komeleya Mafên Mirovan (ÎHD) û xizmên girtiyan, ji bo girtiyên li girtîgehê rewşa xirabtir dibe li Îzmîr, Enqere û Stenbolê çalakiyên xwe yên heftane li dar xistin.
Şaxa Îzmîrê ya ÎHD’ê li pêşiya Sumerbanka berê ya li navçeya Konakê daxuyaniyek da. Di çalakiyê depankarta bi nivîsa ‘’Girtiyên nexweş dimirin. Nebe hevkarê sûcî’’ hate vekirin û bal kişandin ser rewşa gitiyê nexweş Enver Yanik. Fîrdevs Avşar a parêzera Enver Yanik jî daxwaza serbestberdana muwekîlê xwe kir.
Înîsiyatîfa Azadî Ji Girtiyên Nexweş Re, di hefteya 595’emîn a çalakiya xwe de li Qada Sakarya ya Eqereyê li hev civiya. Di çalakiyê de dirûşmeyên; ‘’Bila girtiyên nexweş werin berdan’’ û ‘’Tecrîd êşkence ye û dawiyê li êşkenceyê bînin’’ hatin berzkirin û çalakvanan baş kişand ser rewşa girtiyê nexweş Salîh Goktaî yê 72 salî û li Girtîgeha Hejmar 1 a Tîpa F a Kiriklar a Îzmîrê tê ragirtin.
Şaxa Stenbolê ya ÎHD’ê jî çalakiya xwe ya ‘’Rûniştina F’’ ya 723’yemîn li pêşiya bînaya komeleyê ya li navçeya Beyoglûyê li dar xist. Beşdarvanan di daxuyaniyê de bal kişandin ser rewşa Îsmaîl Tanboga yê ku li Girtîgeha Girtî ya Tîpa T a Amedê tê girtin û pankartên bi nivîsa ‘’Tedawî maf re nabe ku were astengkirin’’ û ‘’Bila girtiyê nexweş Îsmaîl Tanboga were berdan’’ hatin vekirin.
