Saziya ku navenda wê li New Yorkê ye, da zanîn ku pergala mafê mirovan di asta gerdûnî de ku li gel zexta Çîn û Rûsyayê lawaz bûbû, li gel rêveberiya Donald Trump lawaztir bûye.
HRW’ê di rapora xwe de hişyarî da ku girêdayî qaîdeyan pergala navneteweyî li ber hilweşînê ye.
Rêxistinê destnîşan kir ku rêveberiya Trump bi awayekîeşkere bêrêziyê li mafên mirovan dike û binpêkirinên cidî dike.
Raporê bi taybetî bal kişand ser operasyonên ku ji aliyê Polîsên Koçberiyê yên DYE’yê (ICE) ve bi maske û ajanên çekdarî tên kirin.
DYE BI ZANEBÛNÎ BERÊ XWE DIDE OTORÎTERBÛNÊ
HRW’ê diyar kir ku rêveberiya Trump hewl dide ku girêdayî etnîk û nijadê mexdûran biafirîne, li hemberî hevrikên xwe yên siyasî serî li polîtîkayên bersivdayînê dide û li gel hewlên berfirehkirina rayeyên zextkar ên birêvebirinê mekanîzmayên hevsengiya demokratîk lawaz dike.
DEMOKRASIYA GERDÛNÎ DI ASTA SALA 1985’AN DE YE
Li gorî HRW’ê, asta demokrasiya gerdûnî di asta sala 1985’an de ye yanî daketiye serdema Yekîtiya Sovyetan. Rêxistinê da zanîn ku azadiya li welatên weke DYE, Çîn û Rûsyayê li gorî 20 salên beriya niha kêmtir e.
Dîrektorê Bicihanînê yê HRW’ê Philippe Bolopion ji AFP’ê re axivî û ev yek anîn ziman: ‘’Dîrok li gel sala yekem a serdema duyemîn a Trump ber bi aliyê şaş ve diçe. Hemû maf û pêşketinên ku di deh salên dawiyê de bi têkoşînên mezin hatine bidestxistin, îro di bin gefeke cidî de ne.’’
TIFAQEKE DEMOKRATÎK A NÛ HEWCE YE
Human Rights Watchê diyar kir ku çareseriya vê rewşê ew e ku girêdayî nirxên demokratîk û hiqûqa navneteweyî tifaqeke stratejîk a nû were avakirin.
Di raporê de bang li welatên weke Kanada, welatên Yekîtiya Ewropayê, Îngilistan, Japonya, Efrîqaya Başûr, Brezîlya, Koreya Başûr û Avûstralyayê hate kirin ku li dora nirxên hevpar kom bibin.
