Malbatên şehîdên Şoreşa ‘Jin, Jiyan, Azadî’ ya li Rojhilatê Kurdistanê ji bo malbatên xwepêşanderên di xwepêşandanên dawî yên li Kirmaşan, Îlam û Loristan de hatîn qetilkirin û hemû şehîdên tevgera azadiyê, peyama sersaxiyê belavkirin.
Di daxuyaniyê de hate ragihandin ku Kurdistanê gelek ezmûnên bi vî rengî dîtiye, lê jiyaneke azad û dadperwer li Kurdistanek rizgarkirî bi yekîtî, hevgirtin, hevkarî, têkoşîna kolektîf û siyaseteke zelal a hemû têkoşerên rêya azadiyê dê pêk were.
Hate destnîşan kirin ku bidestxistina azadiyê girêdayî dûrketina ji her cure yekperestî û bikaranîna xwîna şehîdan ji bo her baweriya îdeolojîk û siyasî ye.
Malbatan tekezî kirin ku şehîdên wan ji Maku heta Loristanê di hemû qonaxan de şehîdên têkoşîna rizgarî û azadiya Kurdistanê ne.
Malbatên şehîdên şoreşa ‘Jin, Jiyan, Azadî’ bang li çalakvanên sivîl û siyasî, partiyên siyasî kirin ku bi hemû hêza xwe yekîtiyek rastîn ava bikin û wiha hate gotin: “Ji ber ku bêyî ragihandina yekîtiyek xurt û watedar, wê bêhêvî li ser neteweya Kurd a Rojhilatê Kurdistanê belav bibe û dagirkerî dê careke din ji niha bêhtir bibe sedema parçebûn û veqetînê.”
