Li qada Şengalê 4’ê Nîsanê Rojbûna Rêber Apo bi coş û kelecanêk tê pêşwazîkirin. Gelek şervanên Yêkineyên Jinên Şengal û Yêkineyên Berxwedana Şengal (YJŞ/YBŞ) wargehên cûr be cûr 4’ê Nîsanê Rojbûna Rêber Apo pîroz dikin. Vê carê şervanên YBŞ’ê yên ji netewa Ereban Rojbûna Rêberê Netewî pîroz kirin. Şervanên YBŞ’ê yên Ereb û şervanên YJŞ’ê vê rojê bi keyfxweşiyêk mezin anîn vedibêjin.
‘DI NAVA GELÊ EREB DE ROJEKE PÎROZ DIBÎNIN’
Şervanê Ereb yê bi navê Ebdilhey Hol 4’ê Nîsanê Rojbûna Rêber Apo pîroz kir û got: “Di serî de em vê rojê tevahî gelan û şervanên YJŞ-YBŞ’ê pîroz dikin. Em vê rojê weke rojek pir bi wate dibînin. Di nava gelê Ereb de ev roj rojeke pîroz dibînîn. Fikrê Rêbertî li dijî zilma li ser hemû gelane. Carek din em rojbûna Serokê netewî li hemû gelan û hemû hevalên xwe pîroz dikin. Emê li ser vî bingehî, tevahi erişên ku li ser YBŞ û YJŞ’ê werin kirin bisekinin û tekoşina xwe berdewam bikin. Emê hemû bi hemû hêz û îradêya xwe li hemberê erişên gengaz bisekinin. Dubare em vê rojê Rêbertî û tevahî hevalan pîroz dikim.”
‘RÊBERTÎ BI DEMOKRASIYÊ GELAN ANÎ BA HEV’
Şervanê bi navê Elî Çîçek Rojbûna Rêbertî li hemû gelan pîroz kir û got: “Wek şervanên ereb em îro Rojbûna Rêbertî pîroz dikin. Em îro dara diçînin. Em vê rojê li hemû şehîdên xwe û hevalên xwe pîroz dikin. Rebertî rêyek rast daniye peşiya me ku em nekevin şaştiyan. Emê li ser rêya Rêbertî û şehîdan de dimeşin. Reber Apo bi fikrê xwe rêkek azad nîşane me da. Bi demokrasiyê re gelan anî li ba hev. Em dubare vê rojê li tevahî gelan, gelê Ereb û Ezidî pîroz dikin û rojbûna me piroz be.”
Şervan Zeyn Ereb jî ev got: “Bi boneya Rojbûna Rebertî em wek hezên YBŞ û YJŞ’ê tevahî gelan pîroz dikin. Em her sal vê rojê bi kelecanek mezin pîroz dikin. Em vê rojê li gelên netewa demokratîk pîroz dikin. Li hemû gelên bindest û mazlûm şehîdên xwe pîroz dikin. Wek gelê ereb em piştgirî didîn fikrê Rêbertî.”
‘ROJBÛNA RÊBERTÎ JI BO GELÊ EREB TEMSÎLA HER TIŞTÎ DIKE’
Şervan Cûdî Ereb jî got: “Em vê rojê li Rêbertî û hemû gelan pîroz dikin. Em vê rojê di heman demê de tevahi hevalên me yên YBŞ û YJŞ pîroz dikin. Rojbûna Rebertî li cem me gelê Ereb temsîla her tiştî dike. Em ji pir tiştan rizgar kir û em û gelê Ezîdî anî li gel hev. Me bi YBŞ û YJŞ re anî li cem hev. Em weke civak gelek di mijaran de girtîbûn, lê bi fikrê Rêbertî re me gelek tiştan derbas kir û em hişyar bûn. Piştî fikrê Rêbertî em fêrî pir tiştan bun, em fêrî mirovahiyê kirin. Bi vê fikrê re çavê me vebû, me hevaltî û biratiya rast fam kir, me biratiya gelan nas kir. Bi vê fikrê em azadbûn. Ez vê rojê li Rêbertî, hemû gelan û hemû welatan pîroz dikin. Rêbertî di dilê me de azade, wê bi fîzîkî ji azad bibe.”
Her wiha ji şervanên YJŞ’ê Pervîn Tolhildan û Medya Dijwar jî vê rojê pîroz kirin û keyfxweşiya xwe anîn li ser ziman.
Di pîrozbahiyê de şervanan 77 pifdandk bi wêneyê Rêber Apo re firandin esmanan.
Pîrozbahî bi gerandina govendê heta direngiya şevê dewam kir.
