Li gorî Tora Mafê Mirovan a Kurdistanê, Dadgeha Şoreşê ya Mahabadê cezayê darvekirinê li welatiyê bi navê Muhsîn Îslamxa (20) yê xelkê bajarê Bokan ya Rojhilatê Kurdistanê biriye.
Tora Mafê Mirovan ragihand ku cezayê darvekirinê bi hêceta ‘serîhildanê’ li Muhsîn hatiye birîn.
Tê gotin nêzî du mehan di girtîgeha Urmiyeyê de êşkence li Muhsîn hatiye kirin. Li gorî agahiyan piştî êşkenceyek zêde, Mushîn şandine girtîgeha Bokanê.
Di sala 2022’yan de, Muhsin Îslamxa ji ber beşdarbûna di xwepêşandanên şoreşa ‘Jin, Jiyan, Azadî’ de li bajarê Bokanê, ji aliyê hêzên îstîxbarata Îranê ve hatibû girtin.
