Wezareta Pêşmerge ya Hikûmeta Herêma Kurdistanê bi daxuyaniyekê şehîdbûna pêşmergeyekê din ji ber êrişên rejîma Îranê ragihand.
Di daxuyaniya wezaretê de wiha hate gotin; “Îro pêşmergeyê binavê Weysî Axir Seîd Şêrwanî li Tumena 5’emîn ya Piyadeya Fermandariya Devera Yek ya ser bi Wezareta Pêşmerge, ku berî niha di encama êrişa mûşekan ya Komara îslamî ya îranê a ser baregeheke hêzên Pêşmergeyê Kurdistan li sînorê Soran birîndar bûbû, piştî 15 rojan li nexweşxaneyên Hewlêr hate dermankirin, ji ber giraniya birîna xwe gihişt pileya bilind û pîroz ya şehadete.”
Wezaretê got; “Em sersaxiyê ji malbatên serbilind yên şehîdan û tevahiya gelê Kurdistanê re dixwazin, lê careke din êrişên neheq yên li ser hêzên Pêşmerge û sivîlên Herêma Kurdistanê bi tundî şermezar dikin.”
