Li gorî çavkaniyên fermî û bîlançoya dawî ya ku ji xaliyê Xaça Sor ve hate parvekirin, li Haîtiyê 12 kes, li Komara Domînîkê jî herî kêm 7 kesan jiyana xwe ji dest dan.
Barana zêde ku şeva 7’ê Nîsanê destpê kir û zêdeyî hefteyekê dewam kir, bandoreke giran li tevahiya Girava Hispanyola kir.
Ji 31 eyaletên Komara Domînîkê li 24 eyaletan rewşa alarmê dewam dike. Hate ragihandin ku baran kêm bû be jî rîsk hîn jî dewam dike.
Li gorî rayedaran, li tevahiya welêt nêzî 30 hezar û 500 kes hatin veguhestin, xisar li 6 hezar û 500 malan bû û têkiliya 38 herêman bi cîhanê re qut bû. Li paytext Santo Domingo elektrîk qut bû, dibistan hatin girtin û dema kar hate kêmkirin.
Rayedarên meteorolojiyê diyar kirin ku di rojên pêş de rîska baran û zîpikê heye, tîmên parastina sivîl jî di asta herî bilind a alarmê de kar dikin.
