Platforma Yekîtiya Jinên Kurd Ya Giştî, têkildarî êrîş û bombebaranên li ser hêzên Rojhilatê Kurdistanê yên li Başûrê Kurdistanê, daxuyaniyek weşand. Platformê, banga rawestandina êrîşan li Îranê kir û got: “Çareserkirina pirsgirêkên hundirîn bi rêbazên çareseriyên demokratîk bigre dest. Em hêvîdarin ku jinên Kurd û gelê Kurd bi yekgirtinê li dijî êrîşên zalimane bisekinin û pîşgiriya xwe mezin bikin.”
Daxuyanî bi vî rengî ye:
“Roja Sêşemê, 14’ê Nîsanê rejîma Îranê ji derveyî herêma sînor, bi dron êrîş bir ser komîteyên azadiyê yên Hizba Demokrat û şoreşgerên Komeleya Zehmetkêşan. Di encamê de, hin pêşmergeyên Komeleya Zehmetkêşên Kurdistanê birîndar bûn.
Xazal Mewlayî yek ji wan birîndaran bû ku, ji ber birînên giran, piştre şehîd bû. Em vê bûyerê bi dilê xwe yê şikestî bi bîr tînin. Her çend em sersaxiyê li hevparan û malbatên şehîdan re parve dikin, di heman demê de, em ji bo hemû birîndaran daxwaza başbûn û selametiyê dikin.
Rejîma Îranê li hemberî hêzên Kurd sûcên şer pêk tîne. Rûxmê wê jî hêzên Kurd li hemberê Îranê çalakiyekî çekdarî û pevçûnek pêk neanîne. Em wek Platforma Yekîtiya Jinên Kurd, bang dikin ku Îran êrîşên li ser Kurdistanê û hêzên Kurd rawestîne. Çareserkirina pirsgirêkên hundirîn bi rêbazên çareseriyên demokratîk bigre dest.
Di dawiyê de, em hêvîdarin ku jinên Kurd û gelê Kurd bi yekgirtinê li dijî êrîşên zalimane bisekinin û pîşgiriya xwe mezin bikin.”
