Jina Êzidî ya bi navê Cemîla Babîr sala 2014’an, di dema êrişên çeteyên DAÎŞ’ê ya li ser Şengalê de li gundê Qinê bi malbat û kesûkarên xwe ve hatibûn girtin. Cemîla Bapîr Hacim dema hatibû girtin 7 salî bû. Cemîla 12 salan di bin zilm û zordariya çeteyên DAÎŞ’ê de dimîne. Dayîk û hinek mirovên wan piştî girtinê çend salan tên azadkirin, lê Cemîla dimîne.
Di pêvajoya girtinê de Cemîla li gelek bajarê Sûriyeyê dimîne û herî dawî li Idlibê tê azadkirin.
Cemîla piştî esareta 12 salan vegeriya Şengalê û ji aliyê oldar, malbat û xizmên xwe ve bi kêfxweşî hate pêşwazîkirin.
Li ser rizgarkirina Cemîla Babîr Hacim mamê wê Faris Bedel Hacim axivî û got: “Em pir kêfxweşin ku Cemîla hate azadkirin û gihîşte malbata xwe. Ev kêlî ji bo min pir girîngin. Ji malbata me kesên hatibûn revandin hinek hatin azadkirin, lê bav û mamê Cemla hê jî ti agahî li ser nîne. Daxwaza me ewe ku di demeke kin de hemû dîlgirtiyên me bên azadkirin.”
