Navenda Ragihandin û Çapemeniyê ya Yekîneyên Parastinê yên Rojhilatê Kurdistanê (YRK) dîmenê sîxurekî dewleta Îranê weşand û daxuyaniyek li ser mijarê da.
Daxuyanî bi vî rengî ye:
“Wek gelê me û raya giştî dizane di 19’ê Tîrmeha 2025’an de dema ku hevrê û Fermandarê me Simko Kobanê li ser erka xwe ya şoreşgerî bû di encama komployeke namerd de ji aliyê dagirkeriya Îranê ve hate şehîdxistin. Di encama lêpirsîneke berfireh de kesê ku ji nêz ve hevkarî û sîxurî kir, eşkere bû û hate cezakirin.
Di encama lêpirsîneke berfireh de hate zanîn ku hevalê me Simko Kobanê di encama komployeke namerd de hatiye şehîdxistin. Di destpêkê de me wisa dizanî ku di encama êrîşeke bi droneyan de hevreyê me hatiye hedefkirin. Lê di encama lêpirsînê de eşkere bû ku kesê bi navê Zanyar Şêxe hevalên me dibîne û bi radestkirina mayinekê ji aliyê dagirkeriya Îranê ve hate erkdarkirin. Di vê bûyerê de namerdbûna Îranê û tirs û xofa xwe ya mezin li beramber hêzên me, em pir vekirî û eşkere dibînin.
Weke yekîneyê Rojhilatê Kurdistanê YRK’ê di rojên destpêkê dema ku hevalê me Simko Kobanê Şehîd ket me di daxuyaniyên xwe de anî bû ziman ku ev bûyer wê bê tol nemîne. Li beramber van êrîşên namerd ku hevalên me dixin hedef û bi komployan diçin encamê em ê heta dawî xwedî bersiv bin.
Weke her kes dizane ji dîrokê û heta roja îro dewleta dagirker a Îranê bi komplo û êrîşên namerdane her tim xwe li ser lingan girtiye û hebûna xwe daye domandin. Di rastiya vê bûyerê de jî careke din rûyê rûreş ê vê dagirkeriyê eşkere û vekirî careke din xuya dike.”
Di daxuyaniyê de hate ragihandin ku Zaniyar Şêxe di dîmen de bi hûrgûlî beha sîxurî û hevkariya bi dewleta Îranê re dike.
Di dawiya daxuyaniyê de hate gotin, “Weke yekîneyên Parastina Rojhilatê Kurdistanê YRK’ê em ji wan kesên ku bi dagirkeran re di nava hevkariyê de ne û sîxwirtî dikin hişyariyên xwe dikin ku dest ji van karên qirêj berdin. Kesên ku xizmetê ji dagirkeriyê re dikin û destê wan di xwîna hevalê me hebe, teqez wê aqîbeta wan mîna Zanyar Şêxe be û em ê bê helwest nemînin.”
