Îro danê sibê li girtîgeha Kobanê, ku bi dehan girtî lê dimînin, agir derket. Li gorî agahiyên destpêkê, 9 girtiyan jiyana xwe ji dest dan û 16 jî birîndar bûn, birînên hinan ji wan giran in.
Birîndar ji bo dermankirinê rakirin nexweşxaneyên Kobanê.
Sedema şewatê hîn ne diyar e û rayedarên pêwendîdar lêpirsînê didomînin. Tê payîn ku Hêzên Ewlekariya Hundirîn ên li Kobanê derbarê bûyerê de daxuyaniyekê bidin.
Agirê li girtîgeha Kobanê piştî xwepêşandanên gel ên li bajêr derket. Xwepêşanderan daxwaza lêpirsînê li ser revandin û şehîdbûna endamê Wezareta Parastinê Samî Hiso li parêzgeha Hesekê kirin.
Hêzên ewlehiya giştî êrişî xwepêşanderan kirin û çend ciwanên ji bajêr girtin.
Li gorî çavkaniyan, Hêzên Ewlekariya Giştî bajarê Kobanê dorpêç kirin.
