Pisporên Neteweyên Yekbûyî (NY) bertek nîşanî êrîşên hêzên ewlekariyê yên Îranê yên li dijî kolberên Kurd dan. Pisporan bang kirin ku her qetilkirina ji aliyê hêzên dewleta Îranê ve pêk tê, bi awayekî serbixwe û bêalî were lêkolînkirin.
Di daxuyaniya Ofîsa Komîseriya Bilind a Mafên Mirovan a NY’yê (OHCHR) ya ku di 23’yê Îlonê de hate weşandin de bal kişandin ser wan raporan ku ji mesafeya nêz ve û bêyî hişyarî gule li kolber û suxtbaran hatine reşandin û dema hatine gulebarankirin tiştek eşya bi wan re nebûye.
Di daxuyaniyê de hat destnîşankirin ku ji destpêka sala 2026’an û vir ve herî kêm 12 kolber ji aliyê hêzên sînor ên Îranê an jî pasdaran ve hatine gulebarankirin û qetilkirin. Hat ragihandin ku di du mehên dawî de jî ji ber gulebarana rasterast 7 kolberan jiyana xwe ji dest dane.
