Xelatgirên Xelata Tibê ya Nobelê ya sala 2026’an hatin eşkerekirin. Komîteya Nobelê ya li bajarê Stockholm ê Swêdê kom bû, xelat da pisporên zanistê Karl Deisseroth, Peter Hegemann û Georg Nagel.
Her sê pisporên zanistê ji ber xebatên xwe yên di warê kanalên îyotê yên li gel tîrêjê tên aktîfkirin û optogenetîkê de layiqî xelatê hatin dîtin.
SEZONA NOBELÊ DEST PÊ KIR
Di hefteya dayîna Xelatên Nobelê yên sala 2026’an ên li gel dayîna xelata Tibê dest pê kir, wê roja Sêşemê xelata fîzîkê, roja Çarşemê xelata kîmyayê û roja Pêncşemê jî xelata Edebiyatê werin eşkerekirin.
Xelata Aşitiyê ya Nobelê jî ku xelata herî zêde tê mereqkirin ew e, wê 9’ê Cotmehê li Osloyê were eşkerekirin. Li gel dayîna xelata aboriyê jî sezona sala 2026’an wê di 12’ê Cotmehê de were girtin.
Îsal buhayê xelatê 12 milyon kronên Swêdê ye yanî zêdetirî 1 milyon euroyan e. Her wiha wê dîploma û madalyaya zêr jî bidin xelatgiran.
JI BO XELATA AŞITIYÊ NAMZED GELEK IN
Beriya dayîna Xelata Aşitiyê navên kes û saziyên cuda di rojevê de ne. Ji ber xebatên xwe yên li serparastina zarokan Save the Children û mafparêzê zarokan ê Ûkraynayî Mykola Kuleba weke namzedên muhtemel tên dîtin.
Hêjayî bibîrxistinê ye ku sala borî xelata berbesh ji aliyê serokê muxalîf ê Venezûelayî Maria Corina Machado ve hatibû wergirtin. Machado piştre madalyaya xwe dabû Serokê DYE’yê Donald Trump û anîbû ziman ku ew layiqî xelatê ye.
