Kolektîfa Femînîst ya Zanîngeha Bogazîçiyê ragihand ku Nûkhet Sîrmana di Beşa Civaknasiyê de akademîsyen e hat binçavkirin.
Kolektîfa Femînîst di daxuyaniya xwe ya li ser hesabên xwe yên medyaya dîjîtal de diyar kir ku lêkolîna ku wê kiriye weke hincet hatiye nîşan dan û wiha gotin: “Akademîsyena Beşa Civaknasiyê ya Zanîngeha me Nûkhet Sîrman bi hinceta lêkolîna ku kiriye bi derhiqûqî hat binçavkirin. Divê Mamoste Nûkhet bê berdan!”
Akademîsyenên ji bo Aştiyê jî bertek nîşan dan û gotin: “Mamosteya me, hevala me, îmzekara aştiyê Nûkhet Sîrman di çarçoveya hevdîtineke qadê ya lêkolîna xwe de bi awayekî derhiqûqî hat binçavkirin û di pêvajoya binçavkirinê de rastî pêkanînên keyfî hat. Divê mamosteya me Nûkhet demildest bê berdan!”
Gelek bikarhênerên X’ê bertek nîşanî binçavkirina Sîrman dan û daxwaza berdana wê kirin.
