Li paytexta Awûstûrya Viyanayê şahiya gel a mezin a bi temaya “Aştî û azadiyê mezin bikin” tê lidarxistin û tê çaverêkirin ku bi hezaran kes beşdarî wê bibin.
Hevserokên Civaka Azad Dilek Karahan û Osman Ayaz derbarê şahiyê de daxuyaniyek dan û diyar kirin ku ev şahî ne tenê civînek çandî ye, di heman demê de weke xwedîderketineke bi hêz a bangawaziya “Aştî û Civaka Demokratîk” a Rêber Apo ya di 27’ê Sibatê de hatiye kirin û hatiye organîzekirin.
Dilek Karahan got: “Ev şahî îradeya mezinkirina lêgerîna aştiyê û azadiyê ya gelên me ye. Em ê ji bo silavkirina bangawaziya Rêbertî û nîşandana girêdana xwe ya bi avakirina Civaka Demokratîk re, bi hezaran mirovan re civînek bi hêz li dar bixin.”
Osman Ayaz jî wiha axivî: “Ji çar aliyên Awûstûryayê gelê me wê li Viyanayê bicive; bi govend, stran û helbestan wê xwedî li aştiyê, azadiyê û Rêbertî derkeve. Amadekariyên me qediyan, em ê bi hev re vê coşê mezin bikin.”
Di şahiyê de hunermendên weke Pinar Aydinlar, Seyda Perînçek, Şerîf Omerî, Koma Dem û siyasetmedar Sebahat Tuncel wê derkevin ser dikê. Armanc ew e ku ev şahî bibe civîneke sembolîk a têkoşîna aştiyê û azadiyê ya gelê kurd.
Hevserokan ev bang kir: “Aştî û demokrasî ne tenê berpirsyariya gelê Kurd, lê berpirsyariya hevpar a hemû mirovahiyê ye. Werin, em li Viyanayê vê hêviya hevpar mezin bikin.”
Dîrok: 14’ê Îlona 2025
Cih: Deutschstraße 7, 1230 Wien Koşk Eventhalle
Saet: 14:00
