Serokê Meclisê Numan Kurtulmuş di civîna 8’emîn a Komîsyona Hevgirtina Neteweyî, Xwiş-Biratî û Demokrasiyê ya ku di çarçoveya çareseriya pirsgirêka Kurd de li Meclisê hatiye damezrandin de axivî. Kurtulmuş diyar kir ku komîsyonê xebateke baş meşandiye û civînên girîng li dar xistine.
Kurtulmuş, bertek nîşanî êrîşa Îsraîlê ya li dijî Qeterê da û got: “Îsraîlê êrişî Qeterê kir. Îsraîl bi vê êrişê dibêje, ez dikarim li her welatî her kesî bikujim. DYA, çi baregehên wê hebin jî, ne gelên herêmê ne jî welatên herêmê nikare biparêze. Ev yek têkiliyeke dijminatiyê bi hemû gelên herêmê re nîşan dide. Ev êrîş, hişyariyeke kûr ji bo me hemûyan e.”
Kurtulmuş li ser xebatên komîsyonê jî ev tişt anî ziman: “Komîsyona me berpirsyariyeke dîrokî girtiye ser milê xwe. Em weke gelên herêmê mecbûr in yekitiya xwe nîşan bidin. Armanca komîsyona me ev e. Yekitiya neteweyî, bi Tirk, Kurd û cihêrengiyên etnîkî û mezhebî re xwiş-biratiyê ava bike. Li Tirkiyeyê standartên demokrasiyê bilind bike û welatekî ku her kes bi azadî û ewlehiyê tê de bijî ava bike. Ev armanca sereke ya komîsyonê ye. Tirkiyeyeke bêteror wê bibe misogeriya herêmeke bêteror. Peywira sereke ya komîsyonê ew e ku em xebatan di demekî herî kin de serûber bikin û bigihijînin encamê.”
