Serokê Giştî yê MHP’ê Devlet Bahçelî di civîna koma partiya xwe de ya li Meclîsê, bal kişand ser serdana komîsyonê ya 24’ê Mijdarê ya li Îmraliyê.
Bahçelî hevdîtina bi Rêber Apo re weke “pêşketineke dîrokî” pênase kir û got, “Muxatabê herî cidî li Îmraliyê ye.”
Bahçelî axaftina xwe bi vî rengî dewam kir: “Çi dibêjin, qaşo li gorî destûra bingehîn û qanûnan me sûc kirine. Eger hûn darizînin hûn ê hîlebaziya xwe, hûn ê bertîlxuriya xwe darizînin. Binihêrin, di vî emrê de ez bi rengekî merdane dibêjim; bila aştî, aramî ji bo Miletê Tirk bê, bila teror bi rengekî mayinde ji jiyana me bê avêtin, di berdêla wê de bila bêm darvekirin.”
Devlet Bahçelî got, “Yek ji muxatabên herî cidî yên armanca Tirkiyeya bê teror li Îmraliyê ye. Di çarçoveya biryara bi piraniya dengan a roja Înê ji bo çûyîna Îmraliyê hate wergirtin, ji Partiya Tevgera Neteweperest, AK Partî û DEM Partiyê parlamenter çûn giravê. Ev yek pêşketineke dîrokî ye. Bi vê wesîleyê ez ji dil spasiya Fetî Yildiz û parlamenterên me yên din dikim. Partiya Gel a Komarê û partiyên din ên li komîsyonê xwe ji çûyîna Îmraliyê dan alî, bila xwe bidin alî.”
