Çalakî, li Cadeya Sakarya ya Enqereyê hate lidarxistin, di çalakiyê de pankarta bi nivîsa; ‘’Bila kujer werin peydakirin, bila caredin bûyera Roboskiyê pêk neyê’’ hate vekirin û dirûşmeya ‘’Ji bo Roboskiyê edalet, ji bo her kesî edalet’’ hate berzkirin.
Daxuyanî ji aliyê yek ji damezrînerê înîsiyatîfê Tanjû Gunduzalp ve hate xwendin û Tanjû Gunduzalp diyar kir ku dosyayên Roboskî, Stasyona Enqereyê, Tahîr Elçî di çarçoveya ‘’sûcên li dijî mirovahiyê’’ de ne û xwest ku di van sûcan de demborî were rakirin. Tanjû Gunduzalp anî ziman ku bi qasî binpêkirinên giran ên bi destê dewletê tên kirin, tên veşartin pêşî li komkujiyên nû tê vekirin.
Tanjû Gunduzalp di 10’emîn sala qetilkirina Tahîr Elçî de li hemberî eşkerenekirina dosyayê nerazîbûnên xwe nîşan dan û got: ‘’Piştî deh salan ger ku kujer diyar nebibin ev bes ne lêpirsînek e, têkçûna hemû pergalê ye.’’ Tanjû Gunduzalp îfade kir ku polîtîkayên bêcezahiştinê hemû civakê bêbawer dike.
Tanjû Gunduzalp piştre diyar kir ku gotinên têkildarî ewlehiyên yên pêvajoya aşitiyê bi dawî dikin dubare tên xurtkirin û anî ziman ku aşitiya rastîn wê bes di atmosfereke ku fail tên darizandin û heqîqet tê eşkerekirin de pêk were.
Înîsiyatîfê, daxwaza derxistina Yasaya Heqîqet û Edaletê, di sûcên li dijî mirovahiyê de rakirina demboriyê û eşkerekirina hemû dosyayên komkujiyan kir.
Hate ragihandin ku wê çalakî di 28’ê hemû mehan de were lidarxistin.
