Halîl Çevîk (57) 15’ê Sibatê di dema protestoyên li dijî desteserkirina Şaredariya Bajarê Mezin ê Wanê hat binçavkirin. Çevîk ê ku çar rojan di bin çavan de ma, piştre serbest hat berdan. Çevîk ê ku di 19’ê Sibatê de vegerî mala xwe, rewşa wî ji nişka ve xerap bû û wî rakirin Nexweşxaneya Lêkolînê ya herêmê ya Wanê. Çevîk ku rakirin lênerîna awarte, piştî 45 rojan jiyana xwe ji dest da.
Cenazeyê Çevîk, ji bo otopsiyê ji Saziya Tîpa Edlî re hat şandin.
Malbata wî diyarkirin ku ew guman dikin ku Çevîk di bin çavan de hatibe êşkencekirin. Malbatê diyar kir ku ji ber ku şopên êşkenceyê ya di bin çavan de winda bûye, zehmet e ku encama rast ji otopsiyê derkeve. Hate hînbûn ku Çevîk piştî ku hatiye malê gotiye, “Ez ne baş im, dixwazim birazim” û rewşa wî xirap bûye û bêyî ku bûyerên di bin çavan de bibêje jiyana xwe ji dest daye.
