Di çarçoveya civînên gel ên piştî banga “Aştî û Civaka Demokratîk” a Rêber Apo de li navçeya Dep a Xarpêtê civîn hate lidarxistin. Hevseroka Giştî ya DBP’ê Çîgdem Kiliçgun Ûçar û gelek kes tevlî civînê bû.
Hevseroka Giştî ya DBP’ê Çîgdem Kiliçgun Ûçar îşaret bi civaka demokratîk kir ku di banga Rêber Apo de cih digre û wiha got: “Destnîşankirina civaka demokratîk, îradeya jiyana hevpar a civakê ye.”
Çîgdem Kiliçgun Ûçar anî ziman ku dewleta ku li ser înkara Kurdan hatiye avakirin wê di sedsala xwe ya duyemîn de bi paradîgmaya Rêber Apo re careke din were avakirin û wiha got: “Em ê bi hev re ava bikin. Ev ne mijarê serkeftin an jî têkçûnê ye. Birêz Ocalan bi daxuyaniya xwe meseleyê ji vê yekê derxist. Pêwîstî bi welatek demokratîk û siyasetekî demokratîk heye. Em amade ne ku vê ava bikin û li bende her kesên amade ne. Dema ku ev bang dihate kirin, her kes li benda banga Birêz Ocalan bû. Birêz Ocalan banga xwe kir. Wê ji niha şûnde kijan gav bên avêtin.”
Çîgdem Kiliçgun Ûçar bal kişand ser mutebeqeta di navbera Fermandarê Giştî yê QSD’ê Mazlûm Ebdî û Serokê HTŞ’ê Ehmed El-Şara de hatıye imzekirin û anî ziman ku peyman ji bo ewlehiya gelên li Sûriyeyê jiyan dikin û baweriyan e.
Piştre civîn ji çapemeniyê re girtî dewam kir.
