Duh di derengiya şevê de dewleta Tirk a dagirker maleke welatiyan li gundê Aşmê yê li rojavayê bajarê Kobanê bombebaran kir, di êrîşa dagirkeriyê de 7 jê zarok 10 kes birîndar bûn. Dewleta Tirk a dagirker ev ne cara ewile ku malên welatiyan dike armanca xwe, di 29’ê Çileyê de êrîşî mala welatiyekî li Kobanê kir, di encamê de Azad û Şêrzad şehîd bûn û gelek birîndar çêbûn ku zarok jî di nav de bûn.
Di heman demê de li Eyn Îsayê û li gundê Cedê jî gelek komkujî pêk anî, li Eyn Îsayê li gundê El Cemas pitika 6 mehî yê bi navê Ebdulrehman Ismaîl Hesen pitşî bi giranî birîndar bûyî, şehîd bû. Duh dîsa di derengiya êvarê de gundê Aşmê kir armaca xwe û jê 7 zarok bi giştî 10 kes birîndar bûn. Birîndar hatin rakirina Nexweşxaneya Kobanê.
Nafîre Ismaîl ku dayika du birîndarên bi navê Heyfa û Sebah e, êrîşên dewleta Tirk ên li hemberî gel şermezar kir û got: “Ev bû du meh ku gundê me Aşmê tê topbarankirin, me nizanîbû ku kîjan kêliyê li ser me de top tê. Dewleta Tirk çete kirê kirine, da ku ewlehiya herêma me têk bibin, rojê bi sedan car êrîşî me dikin.”
